Сизлар бизнинг уйларимизнинг фаришталарисиз, — Шавкат Мирзиёев аёлларни Халқаро хотин-қизлар куни билан табриклади
Бугун "Кўксарой" резиденциясида Президент Шавкат Мирзиёев иштирокида 8 март - Халқаро хотин-қизлар куни муносабати билан тантанали тадбир бўлиб ўтмоқда. Президент Ўзбекистоннинг барча аёлларини байрам билан табриклади.
"Сизлар тадбиркорсиз, олимсиз, ўқитувчисиз, шифокорсиз, муҳандис, давлат ва жамоат арбобисиз. Бир сўз билан айтганда, сизлар уйимизнинг фаришталари, оила ва жамият таянчисиз, ва бу энг ҳаққоний ҳақиқат бўлади", - деди давлат раҳбари.